作者：洪牛威（業餘動物管理員）
話說前個禮拜叫大家諗吓隻69143恒指法興牛（收回價25900）；上個禮拜叫諗隻恒指匯豐熊66151（收回價27788）；仲話要因應月頭，月中及月尾，用唔同嘅角度嚟揀；不如今日講清講楚！
有別於指數期權是每月結算，一般的指數牛、熊證，都會有3個月至6個月期，因此，散戶們着眼點都係睇打靶價在哪一水平，而往往會忽略咗，其實大戶當月欲屠牛或屠熊嘅抉擇，係同當月其期權部署息息相關。
說穿了，就係如果大戶月頭做好倉，因為未必可挨到月尾結算（例如今月），為咗掩人耳目，月中會先食好倉及反倉造淡屢見不鮮（例如今月），但無論佢哋點樣掩掩樣樣，最大手筆嘅倉位，必定係響結算前的一周才真相大白，事關結算期權係由最終的結算價嚟計數，完全唔使交易對手都得；
換句話講，月頭你順勢而行，跟好倉，可以冷不防就倒跌，如果唔揀D遠離打靶價嘅牛、熊，就好容易俾人打咗靶都冇仇報（所以挑69143）；
同理，若近月底，例如今周，就不妨揀D貼打靶價嘅牛，因為經過咗上周急跌洗禮，今周若持續造好，下周大戶以好倉結算就機會越來越大，富向險中求，可以挑敏感度較高嘅牛！
例如恒指瑞銀六一牛63758（打靶價26450）；槓桿30.4倍，到期日220天，是明顯進取型，可以有利獲利，不宜打持久戰!
而為了減少成本，先把69143/66151計數，以輕注博大市調整完畢，就成功完成了六月威威部署的穩守（先牛後熊最後貼價牛）突圍戰略了！祝好運，下周再傾過！
Chart courtesy of Megahubhk.com （按圖放大）
（免責聲明：牛熊證買賣可升可跌，上述看法非是買入、賣出或邀約的建議，純粹是技術研討課題而已。）
