【投稿】歧咩視,事實就係香港人優越過中國人(文:羅子維)

Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

網上圖片

親共白人蘇哲安大放厥詞,話袁國勇嘅文章犯下「殖民種族歧視」嘅死罪,原因係袁國勇指出「中國人劣根不改,此等疫情陸續有嚟。」點知現時面對眾人反駁,顧左右而言他,支支吾吾不知所云,抱住所謂學者自尊唔肯認錯。「茴…茴字有四個寫法!Errr inferior 我係譯個拉…拉丁文字源!」

我話你知啦,歧視就唔係啦,但事實係:香港人係比中國人更加優越嘅民族。

話中國人劣,何錯之有?先不提中國到處殖民侵略,禍害香港。食野味,屌驢仔,搞到武漢肺炎爆發;收買世衛、隱瞞疫情,導致台灣無法第一時間分享抗疫經驗、各國誤信中國疫情引致病毒輸入。可以講一句,全球大流行,中國理應負全責。搞到咁多人死,咁多人病,咁都唔劣?

劣質在於成個中國,不論中國人抑或中國政府通通都有錯,相反香港人呢?大部份人早早戴上口罩,視逃避隔離為恥,雖則仍有吸吮中國奶水嘅無良藥房炒罩害人,但憑著各區議員、本地組織、鄰里互助,盡力令到每位香港人都有適切嘅防疫工具,憑住香港人嘅互助自律,我哋成功度過一關。

然則武漢肺炎全球流行,一波未平一波又起,大量輸入個案突破記錄。再次面對中國搞出嚟嘅大頭佛,香港人要記住,中國人嘅劣行、惡行已經唔知害死我哋幾多次。零三年沙士、二零年嘅武漢肺炎,通通都係中國人同中國政府隱瞞疫情、亂食野味、亂扑畜生嘅錯!

謝婉雯醫生等前線醫護,為香港人而犧牲,亦同時因中國人先要犧牲。

個劣字何錯之有?蘇哲安此等掛名學者,最鍾意就係檢討受害者,香港人作為被害人,竟然俾蘇哲安話我哋歧視、殖民?呢類學者抱住東方主義幻想,誤以為反中嘅事都有錯,都係殖民主義。於是,香港錯了,錯就錯在唔食野味;香港錯了,錯就錯在鍾意戴口罩,錯在唔再相信中共極權。

「優秀嘅香港人」

香港人優秀,在於面對極權我哋團結抗共;香港人優秀,在於面對疫情,我哋自律。香港人比中國人更自律,更衛生,更渴望法治,更渴望自由同公義,呢個係事實,亦係我哋優越之處。

台灣民族主義者王育德曾經如此解釋中台之別:「台灣人的近代化比中國人早了半個世紀,它是以近代化對權利義務的表裡一致,公私分明,法律的尊嚴與平等性,重視衛生等認識的體驗。在台灣人近代化的過程中,綜合這些近代精神的價值判斷,夾雜在皇國(日本帝國)事物中滲入台灣人的身心。」(王育德,〈台灣民族論〉,頁三四。)香港人或者可以借鑑,來認識我哋同中國人嘅分別。

中國人最鍾意話我哋戀殖,其實唔係錯得哂,我哋某程度上要多謝英國人。如果唔係英國曾經殖民,反而俾中國政府攞走,可能好多香港人會一邊感謝黨,一邊大啖蝙蝠刺身呢。

至於蘇哲安笑香港人係Honkie一事…

學者的事又怎算得上是歧視呢?


Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Comments