2014年「失民心」考古學(文:Takki Ma)


pic via screen capture

劉細良班良粉最鍾意講「你做X會失民心」去束縛其他人。如果今年係2014我都唔多識駁,但係2019年,有d 2014 嘅claim係可以falsify嘅…

【佔路失民心,撤佔得民心】2014年底,100%佔區都無晒,照計當年民心應該贏到開巷?最後無疾而終,行動者被清算,市民係灰晒機。公道少少講,有部份民心係變左選票,DQ後咪沉到2019年?當年一樣有講要堅守甚麼訴求,今日一樣都無。撤不撤佔其實唔多人理,佔無寸功先至係失民心關鍵

【先撤一條街,政府回應又死,不回應又死】政府今日死左未?2014年講呢句嘅係人力劉嘉鴻,當年仲講到係諸葛再世一樣咁好橋。

【升級為X,會失去民意支持】是咁的,2010年摸下個鐵馬都失民心,2014年有鐵馬組。2014年爆塊玻璃又失民心,2019立法會你自己追post啦…然後2019又講放火失民心,我唔知下次falsify呢個claim係幾時了

其實民心向來都搖擺不定,因為「民」本身就係一堆不同的群眾組成,大家因為某些短期議題有共識,就是「民心」的本質。議題一變,大家共識基礎不復存在,民心就變。夾硬用「守住民心」去強逼前線做一些自限行為,是刻舟求劍、捨本逐末。既得不到民心,又令行動失敗。

民心就是:你開始成功,就會多人跟隨。2019街頭抗戰,「成功」的定義肯定並非自限不要提「港獨」、不要放火或者不要講「時代革命」,就算自行五花大綁,都對事情無幫助

今次香港人要成功,方法是不斷增加政府管治成本,令香港變成難以管治甚至無法管治,使其爆煲屈服。換言之,政府越「失治」、黑警越疲於奔命疲態百出,就是勝機開端。

全港遍地開花,搞到人人齊食催淚彈,會不會失民心?劉細良之流會答你千祈唔好!你今日問黃大仙將軍澳街坊,佢會答 who fucking cares ,黑警死全家!

示威者不是爭取選票,也不是參加popularity contest,只要幫街坊打擊共同敵人,就自然有支持。衝立法會初時都好多人話輸輿論,然後國際支持就改口。今日示威者面對是全新難題,大家都係見步行步,齊上齊落。最後例牌:#光復香港 #時代革命

(文題由編輯擬)


Comments