香港與國際枯榮相連(文:飛燕草)

Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

pic by iqremix from Canada via wikicommons under CC BY 2.0

小弟近日加入咗一啲美國人嘅群組,算係初步了解咗一般美國人對香港嘅睇法,實在獲益良多。可以講,美國人嘅睇法,大多數都經過理性獨立思考;而佢哋以美國本土利益為依歸嘅愛國情懷,及直率表達思想、百家爭嗚,無不令我動容。想到香港通常遇到嘅行屍走肉及黃藍屍五毛,實有蜀道難嘅感慨。

但可能由於地域、資訊流通所限,小弟察覺到佢哋對整個世界局勢及香港獨立嘅理解,同本人嘅頗有出入。由於深感事關重大,小弟認為有必要將我所見所聞及觀察完整寫出來,供大家參考。

今日世界嘅情況,有必要由1950年代講起。下面年表,擇自《維基百科》〔聯合國〕及〔中國與聯合國〕兩條:

1950年代 蘇聯等國在歷屆會議提出「中國代表權問題」,認為應由中華人民共和國政府(按:下稱中共国)取代中華民國政府(按:下稱民國)在聯合國大會與安理會的中國席次。
1960年代 由於第三世界國家的獨立浪潮,聯合國大會的形勢發生變化。⋯⋯在中蘇論戰中⋯⋯初期親美的國家佔多數,提案(按:指社會主義國家阿爾巴尼亞提案)沒有通過。但在1960年後陸續有新國家(多數為新獨立的第三世界國家)加入聯合國,使大會的主導權從親美國家轉向親中華人民共和國的國家轉移。
隨著去殖民化的發展,聯合國迎來一批新的獨立國家作為其會員;單在1960年就有17個新國家加入聯合國,其中有16個來自非洲。
1961年 蘇聯聲言如果中華民國不讓蒙古人民共和國加入聯合國,它將阻止新獨立的非洲國家加入聯合國。中華民國面對壓力,不得不緩和反對蒙古人民共和國加入聯合國的立場,蒙古人民共和國其後加入聯合國。
1961年至1971年間 由於亞洲與非洲加入聯合國的新獨立國家大多支持中華人民共和國,美國乃改提「重要問題」議案,先確認「中國代表權」問題為重要問題,得過半數同意,其後任何改變中國代表權的議案,均需三分之二多數方能通過,以此保住中華民國政府在聯合國的中國席次。
1971年10月25日 重要問題案未獲通過(55票支持、59票反對、15票棄權),隨後有機會促成中國雙重代表案的分段表決也遭到否決(61票反對,51票贊成,16票棄權)。
中華民國代表團在阿爾巴尼亞所提《恢復中華人民共和國在聯合國之合法權利案》表決之前發言退出聯合國大會並退出會場。
聯合國大會以76票支持、35票反對、17票棄權、3國未投票,通過《聯合國大會2758號決議》:「恢復中華人民共和國政府在聯合國的一切合法權利」。
雖然遭到美國的反對,但在許多第三世界國家的支持下,控制中國大陸的中華人民共和國取代控制台灣的中華民國成為安理會的常任理事國⋯⋯第三世界國家在阿爾及利亞的領導之下建立七十七國集團,這一集團在一段時間內成為聯合國中的一股主導力量。

 

由上表可以睇到,共產或社會主義陣營(下稱「共產陣營」 (註1)),由1950年代開始,已積極滲透聯合國。到1971年,蘇聯成功逼走民國,將中共国拉入聯合國成為有「否決權」嘅安理會五大常任理事國之一。安理會常任理事國中,西方陣營對共產陣營比例,由原本4:1變成3:2,加上77個第三世界國家,將呢個情況歸納為:「聯合國一直被共產陣營把持」,我相信唔會有太大爭議。

事實上,唔單止聯合國,世衛、IMF、官方及民間新聞媒體、出版社,甚至加澳歐嘅決策機關⋯⋯皆見共產陣營,尤其是中共国嘅滲透,何清漣就曾撰寫多篇文章,講述中共国如何滲透新聞媒體,澳洲學者著書揭露中共国滲透間諜行動嘅《無聲入侵:中國在澳洲的影響力》,甚至被中共国千方百計阻撓出版。

今日嘅聯合國,係一個咩組織呢?就係:

  • 並無將完全違反聯合國成立初衷、屠殺中国人民嘅中共国踢出安理會
  • 無視有爭議紀錄文件,將南京大屠殺列入世界記憶名錄,卻拒絕將北京大屠殺(即六四)作同樣處理
  • 對西藏、新疆人權狀況,維吾爾人集中營只作出行禮如儀嘅反應
  • 俄中兩國喺安理會否決譴責敘利亞阿薩德政府、否決要求阿薩德立即讓位及停止軍事行動、否決將敘利亞內戰問題提交國際刑事法院⋯⋯等決議
  • 今年10月聯合國人權理事會改選,菲律賓、索馬里(Soomaaliya)、厄立特里亞(Eritrea)等多個人權聲名狼籍國家高票當選

以上只係部份我熟知嘅事例,但已足夠反映現時聯合國嘅沆瀣一氣。二次大戰後,戰勝國成立聯合國,企圖將國與國之間嘅糾紛及利益瓜葛,通過聯合國以協商方式解決,實係人類文明嘅一大進步。但共產陣營進入呢啲國際組織,美其名融入國際社會,實則擾亂(甚至破壞)聯合國定立嘅遊戲規則,例如自由、人權、民主等普世價值。而假如有稍稍了解過「國際共產主義運動」及接觸過《共產黨宣言》,當已醒悟佢哋一直以來所做嘅一切,皆為實現《宣言》內最後一段嘅最終目的:

“共產黨人不屑於隱瞞自己的觀點和意圖。他們公開宣布:他們的目的只有用暴力推翻全部現存的社會制度才能達到。讓統治階級在共產主義革命面前發抖吧。無產者在這個革命中失去的只是鎖鏈。他們獲得的將是整個世界。”

當然,經過多年嘅鬥爭,共產陣營變得越來越狡猾,佢哋唔會再「不屑於隱瞞自己的觀點和意圖」,而係左中有右,右中有左,難分難解,防不勝防。喺呢個背景下,中共国習總上台後,不惜打倒昨日的我 (註2),表面上離棄「國際共產主義運動」,將「中華民族」寫入憲法,鼓吹「中国夢」,及孔子學院、十九大思想、一帶一路、2025等一連串動作,背後圖謀就全變成司馬昭之心。

假如今日仍然有美國人,懷住二次世界大戰時各家自掃門前雪嘅心態,認為所有外國嘅人權問題,皆應交由聯合國解決,咁好明顯等同將呢啲國家,及最終將剩低嘅美國,送入共產陣營任其宰割!呢個已經唔再單單係利益問題,而係生死存亡問題。我希望美國人皆有美國總統杜林普(Donald Trump,中譯特朗普,台譯川普)嘅智慧及洞察能力,唔好再重蹈二戰覆轍!請以偉大國家應有嘅胸襟,帶領全世界撥亂返正,重定萬國法。

值得留意嘅係,中共国加入聯合國後不足4個月,已急不及待去信非殖化特別委員會,強烈反對港澳被定義為殖民地。香港係英國殖民地,本係一個無可爭辯嘅事實,但竟然喺1972年一個聯合國大會,又一次以大比數通過對共產陣營有利嘅決議(第2908號決議),將英國殖民地香港喺殖民地名單剔除,香港人因此失去自決前途權利。

中共国急不及待嘅原因,並非「祖宗的領土一點都不能少」,只要睇睇中共国1950年攻台之際,突然喺冬天將所有解放軍調去朝鮮半島送死,放棄「收復台灣」嘅黃金機會,及2008年割讓150萬平方公里土地予俄國,就知此乃大話。真正目的,係如毛澤東所言,對香港「長期打算,充分利用」 (註3)。而呢八字真言嘅意思,只要睇下臨老唔過得世嘅何志平,被感冒而橫死嘅路公公,及被美國政府點名批評係間諜頭子嘅董建華,就自然明白中共国已將香港變成間諜基地、滲透西方民主國家嘅橋頭堡。再具體啲講,而家香港之於世界,就等如係電腦嘅後門。

倡議香港獨立嘅香港人,全部係企喺香港對抗共產陣營最前線嘅人,面對中共国嘅全方位打壓,及不斷要面對絕望嘅折磨,仍然堅定擁抱自由、人權、民主及深愛香港。我哋嘅實戰經驗睇到,只有香港獨立,香港人取回應有嘅自主權,先係拯救香港,維護普世價值及世界各國利益嘅治本方法。假如我哋呢班人,亦好似維吾爾人咁被送去再教育,香港前途將只有兩種可能,一係永遠成為西方自由民主制度嘅後門,一係永遠被封鎖喺共產陣營內與世隔絕,任其魚肉。兩種可能,都對想進入中国投資嘅國家,想將錢停泊喺香港嘅中国人,及其他想正當利用香港特殊條件嘅人,皆無好處。

希望各位可以擦亮眼睛,摒棄偏見,睇清楚利之所在。謝謝!

後記:

寫完呢篇文後無耐,美國之音亦報導,多位學者喺華盛頓一個研討會上指出:「在美國與俄羅斯和中國的關係不斷惡化之際,中國與俄羅斯之間卻越走越近。美學者認為,美國⋯⋯要面臨這兩個國家的戰略夥伴關係對美國全球利益可能造成的干擾與衝擊。」

詳細報導見:《美學者擔心中俄日益接近迫使美兩線作戰》,美國之音,2018年10月17日

註釋:

註1:「共產陣營」只為方便本文解釋,實際上稱為「戰略夥伴」似更準確,小弟會另文解釋。

註2:見拙文《談談「中國」的前世今生——與虛妄共生

註3:《中共絕密文件曝光——文革前港共已要求「解放」香港 中共提出「白蟻政策」要他們長期潛伏》,消失的檔案


Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Comments