曾焯文《粵辭正典》之點解我地要恁主權問題

Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

nam2恁。〔俗〕諗。思也,念也,想也。

〔例〕二零一六年九月二十九日《蘋果日報》〈青政係「鬼」?游蕙禎:我哋係好普通嘅市民〉影片謄本,游蕙禎:而今立法會議員改變唔到現況係因為議員無提案權,點樣可以唔影響公共開支情況下,解決民生問題?咁所以我會將呢兩樣嘢話畀公眾聽:點解我地要恁主權問題?點解我地會恁獨立的可能性?旁白:睇到中國人淨係識拜金同信中共,磨合唔到文化差異,話證明我地同佢地係兩個唔同的民族。如果有票投,佢會投票撐港獨。


〔例〕黃霑(一九九零)《銷魂我怕怕囉》「可能同你有關㗎份遺囑!」外母仍然唔停口。返到屋企,我至開始諗!咦,唔通我有份分身家?

〔例〕慕容羽軍(一九七九)〈臨江仙 天橋翻車 〉行走天橋亦天險,翻車事件堪驚,倘然扑直演身輕,翻埋平地上,惟有掉鈴鈴!已見幾宗新舊例,豈關技術唔靈?諗來都係失魂精,神遊太虛府,魂斷水門汀。

《康熙字典•心部•六》恁:《唐韻》如甚切《集韻》《韻會》《正韻》忍甚切,音飪。《說文》下齎也。从心任聲。《徐鍇曰》心所齎𤰞下也,俗言如此也。又思也,念也。《班固•典引》勤恁旅力。又《集韻》如鴆切,音任。義同。又《廣韻》《集韻》《類篇》如林切,音壬。《博雅》思也。又《集韻》尼心切,音紝。義同。又弱也,信也。按:恁,念也,思也。音jam6,日母,古時「娘日歸泥」。隋唐音ȵ iɪm(周法高系統),粵語存古。

招子庸(一八二八)《吊秋喜》青山白骨唔知憑誰祭?衰楊殘月空聽嗰只杜鵑啼……諗下從前恩義,講到銷魂兩個字,共你死過都唔遲!

吳一嘯(一九五一)撰曲《歌唱沙三少》(粵語長片,陳皮導演,白雪仙、周坤玲、歐陽儉、半日安、馬笑英主演)鄰婦(甘露):既係仁哥無得撈,大家要諗一諗嘞,仁嫂佢肯做事,我做中間人,叫我走趯咗好多勻。仁母(梁淑卿):我話得就得啦,唔使問佢就肯唔肯㗎。銀姐(白雪仙):哎呀,打工我未曾試過㗎,仁母(梁淑卿):一味就服侍人囉,銀姐(白雪仙):即係奶奶應承,係咯咁我就應承埋大嬸呀。譚阿仁(歐陽儉):係咁你就暫時忍耐,等待我好運來臨係啦。

《康熙字典•言部•八》諗:《唐韻》《集韻》《韻會》《正韻》式荏切,音審。《說文》深諫也。《爾雅•釋言》念也。《註》相思念也。《廣韻》謀也,告也。《左傳•閔二年》昔辛伯諗周桓公。又潛藏也。《家語》故龍以爲畜而魚鮪不諗。又《集韻》《韻會》《正韻》式禁切,審去聲。義同。又《集韻》諾叶切《類篇》諾協切,音埝。聲止也。與𩐭同。又叶衫岑切,審平聲。《詩•小雅》駕彼四駱,載驟駸駸。豈不懷歸,將母來諗。《毛傳》諗,念也。《鄭箋》告也。按:諗音sam3,本義勸諫。諗古代反切無nam音,通假「念」,「相思念也」乃通假義。


Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Comments