【讓子彈飛】宇子飛:一切由經驗傳真出發(本欄目逢交易日9:30前上載)

Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

圖片來源:John Spade

股市市況瞬息萬變,精明嘅投資者應如何趨吉避凶、怎樣才可履險如夷,點講都係一個錯綜複雜嘅課題,未必吓吓可一語中的。

但係不求高深、只為把經驗傳真嘅我,就會把情況一分為三咁睇:

首先,響漫長嘅「熊」市裡面,須以避之則吉心態來過渡難關(例如,每日只努力埋頭工作,對任何有關股市的東西敬而遠之,務求期間能全力以赴,把下次預期投入牛市的本金先行手到拿來);

其次,響非熊非牛嘅「豬」市裡面,則要以輕注但頻繁嘅買賣,來一個以戰養戰;圖在將來牛氣沖天嘅時候,寶貴的實戰經驗可大派用場、賺個盤滿缽滿!

最理想嘅就係,響浪高於浪嘅「牛」市裡面,就要傾巢而出、把可動用資金全程投入,切忌敢輸唔敢贏、閃得太快!

在下係宇子飛,圖謀嘅係,響股市不飛則已、一飛沖天!

際此中、港股市大時代,實行以小部落文字,和網友分享過去得來不易嘅本土實戰心得,務求並肩作戰下,大家均能夠盡享大牛市帶來嘅可觀回報,何樂而不為?

話時話,以中、港股來說,本土網友可能會問:究竟子飛較屬意中國、抑或港股市場呢?

抑或是趁滬港通行之有效、深港通行將開通,來一個兼收並蓄,兩者皆宜呢?

未講中、港兩大市場之間,如果硬要二擇其一,子飛會如何作出抉擇前,先來看看facts and figures.

話說,自從上證指數於二O一三年見底於一千八百四十九點後,經過了二O一四年十一月、以滬港通概念加了turbo油後,暫時(六月五日)已高見五千零五十一點,兩年不到,竟然升達百份之一百七十三 (差不多翻兩番),無論以任何準則來看,均算是石破天驚、氣沖牛斗的升勢。

與此同時,恒指由二O一三年低點的一萬九千四百二十六點,反彈至今年四月的高點二萬八千五百八十九點,升勢算是凌厲之至,但升幅只不過是百份之四十七點一七而已;與A股達百份之一百七十三的升幅相比,明顯是瞠乎其後、不可同日而語!

更何況,單就上周五的走勢來看,上證指數非單突破了五千點大關,是日埋單更升達百份之一點五四,相對於恒指是日急跌近三百點或百份之一點零六點、收二萬七千二百六十,跟紅頂白與否,點都應該選A股而摒棄港股了吧?

未必!

因為嚴格嚟講,中國A股烏煙瘴氣嘅比比皆是!但市盈率(尤其是深成指成份股)卻與天比高!

因此,只要識玩股票嘅,終極選擇應係:偏愛撈優質港股、有理無理避開A股!牛市都係咁話!

因為子飛倚靠嘅係本土經驗,買A股恍若隔山買牛,一個唔小心,輸死未天光(詳盡嘅箇中理由,子飛會另文探討,因為唔想響呢處長篇大論,阻住大家開市揾真金白銀)!

以下文章係有關子飛嘅選股準則及取向,多多指教!

(免責聲明:期貨買賣可升可跌,上述看法非是買入、賣出或邀約的建議,純粹是技術研討課題而已。)

作者簡介:資深財經傳媒人,有獨樹一幟的思維,擅長圖表技術的實踐,現時為全職炒家。


Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Comments