【讓子彈飛】宇子飛:趁調整市低吸華潤置地

Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

bullet

圖片來源:John Spade

六月十六日,下午15:00, 子飛手機剛顯示老友王醒來電;但因老王於此時此刻找我,與他作為即日鮮炒家身份不符(開市期間他通常都是忙得不可開交,怎會有空找我?),心中難免好奇起來。

甫一接聽,就聽到老王大聲吼叫,謂:「子飛,有冇搞錯,響咗咁耐先聽我電話,我十萬火急等救命㗎!」
我俾佢嘅語氣攪到好奇心更大,但故意扮輕描淡寫,道:「老王唔駛急,慢慢講,我在洗耳恭聽呢!」

老王:「係就係唔駛急,不過要快!」

因為4點收咗市就蘇州過後冇艇搭!你知唔知上證指數今日急插咗3%落嚟,連5000點及4900點兩大關口都相繼失守,聽講話滬深兩市超過2000隻個股下跌;而且跌市勢頭下,睇嚟個個中國大媽雞咁腳走資!

[哈!呢D所謂戲院失火效應,鬥快較腳離場爆發人踩人慘劇嘅情況,你六月十二嗰日響《十個為什麼:中國A股泡沫分分鐘爆破》網誌講嘅如出一轍,事先張揚嘅當頭棒喝,時間上竟可把握得咁精準,想唔服你都唔得!

我忍不住有點沾沾自喜但克制地道:「唔駛客氣,撞彩啫!我邊有咁醒,揸緊D藍籌同H股ETF都坐緊艇就真!」老王:「子飛,唔駛咁謙,你實掂嘅!實話實說,我家陣有頗充裕嘅現金,想趁低撈D中資股,有冇得諗先?」

我見連醒王都低聲下問,急速思考一下,鄭重分析道:

1)可先假設有部份離場嘅資金係轉戰漸入佳境嘅中國房地產市場;
2)眾所周知,中國政府正致力於推動人民幣國際化,因此好想加入國際貨幣基金組織(IMF)的特別提款權(SDR)貨幣籃子;無他,有了SDR後,中國將加速提升人民幣作為國際儲備貨幣的地位,好處是有望可與美元、歐元、日圓及英鎊分庭抗禮、平起平坐。而年底前IMF將會對此有所決定,意味着人仔年尾前都不大可能急貶值;
3)如此一來,對於向來以發美元債融資、但收入是人仔的企業來說,應是如魚得水之樂;其中又以負債比率偏高的內房股最能受惠,因此,大跌市中覆巢下也許沒有完卵,令一眾藍籌內房龍頭,例如華潤置地(1108)今日照跌3.4%!

反可以成為趁低吸納的首選目標!

皆因現價24.3元潤地市盈率(P/E)只有9.6倍,市帳率(P/B) 1.47倍; 隨着年內陸續推出貨幣放寬 (業界料今年仍會減息50個基點、降存準金率100個基點),經濟於今年年底前可望從谷底回升,配合逐步改革,1109六個月內重返28元水平不是癡人說夢!]

老王:「多謝指點,就收市啦,買番D1109看吓門口先,第日飲茶!」

但子飛因口水多過茶,自己打得俾經紀時已收市,唯有明天(0617)開市時以開市價入番4000股!

CRchart

(按圖放大)

華潤置地(1109)股價見底於今年三月的18.8元,九周後更攀升上29.10元 (升幅達10.3元或54.8%) 因超買而回落;回落歷時六周低見23.6元,稍多於升幅的50%,卻未致於61.8%的22.7元;現價24.3元已接近大圓底型態頸線,再續跌破22.7元機會不大;
反而短線看因超賣,可先升越26.10元打造小圓底頸線不足為奇!

(免責聲明:股票買賣可升可跌,上述看法非是買入、賣出或邀約的建議,純粹是技術研討課題而已。)


Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Comments