被警「拉錯人」智障男家人公開口供文字牌 顯示多次複述警員問句

Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

大圍美林邨放狗老翁被殺案,警方就早前「拉錯」一名智障男子,對事主和其家屬表示抱歉。事主兄長歐先生今日(十三日)開記者會表示,接受警方「抱歉」的字眼,但仍會作出投訴。他公開弟弟的口供文字版本,顯示當中其弟弟只是複述警員的問句。

(筆錄口供,沒有家人在場)

警:幾多歲呀?
答:30歲
警:你屋企喺邊?
答:XXXX
警:今年4月13日夜晚7點你係邊?
答:喺屋企去美林邨
警:去美林邨做乜?
答:推咗伯伯落地
警:我有理由相信你2015年4月15日係邊度犯了謀殺,唔係是必要你講,除非你自己想講,但係你所講的事,可能用筆寫低及用來做證供。你點解推伯伯落地?
答:因為佢放狗
警:推完伯伯跟住點?
答:睇新聞知道伯伯死咗
警:唔係是必要你講,除非你自己想講,所講有可能用筆寫低及用來做證供,你明唔明白
答:對唔住呀

(錄影口供,有家人在場)
02:32

警:你面前有一張羈留通知書,解釋了給你聽,你可以看這張通知書,你需唔需要使用任何一個權利?
答:……(好細聲,唔知講緊咩)
警:你需唔需要使用任何一個權利?
答:……(好細聲,唔知講緊咩)
警:你可唔可以講下需唔需要使用任何一個權利?
答:可以
警:需唔需要使用?
答:需要使用
警:你想使用邊一條?指出來?
答:(指出)
警:即是要通知家人,我已經做了,你同意嗎?
答:同意
警:你同唔同意接受錄影會面?
答:……(好細聲,唔知講緊咩)
警:可唔可以大聲講一次?
答:大聲講一次
警:你同唔同意接受錄影會面?
答:你同唔同意接受錄影會面
警:你同唔同意將我地嘅會面過程錄影低呢?
答:錄影低呢?
警:我繼續問你問題好唔好?
答:好
警:你而家精神狀況點樣?
答:……(好細聲,唔知講緊咩)
警:精唔精神?
答:精神
警:使唔使休息?
答:使唔使休息
警:需唔需要搵律師在場陪住你呀?
答:……律師陪住你呀……
警:使唔使搵律師?
答:使唔使搵律師
警:你答我,使唔使搵律師
答:使唔使搵律師
警:大聲啲,使唔使搵律師?
警:問哥哥,可否做個見證,做錄影會面同需唔需要律師在場?
哥:唔需要

07:05 介紹錄影會面室

10:25

警:現在調查謀殺案,警戒詞,明唔明白?
答:明白
警:陳述案情,下午你講對唔住係咩意思?
答:……(好細聲,唔知講緊咩)
警:點解你講對唔住?
答:……(好細聲,唔知講緊咩)

12:45

警:喺2015年4月13日晚上7:30,你喺邊度?
答:喺邊度……(好細聲,唔知講緊咩)……XXX室
警:你喺邊度?
答:……(好細聲,唔知講緊咩)
警:慢慢講,你嗰時喺邊?
答:……(好細聲,唔知講緊咩)
警:慢慢講
答:XXX室
警:XXX室係咪屋企
答:係

13:50

警:你係2015年4月13日下午7時30分喺美林邨?
答:係
警:美林邨邊度?
答:美田邨
警:美田邨?
答:美林邨
警:美林邨邊度?
答:……(好細聲,唔知講緊咩)

14:54

(轉警察)
警:你記唔記得落小巴嗰時,你同我講,喺2015年4月13日,你喺美林邨推跌個伯伯?
答:係
警:你話個伯伯放狗,你唔鍾意佢,係咪?
答:係
警:點解你唔鍾意佢放狗?
答:佢放狗
警:點解星期一喺美林邨出現?
答:……美林邨
警:記得?
答:記得
警:伯伯喺邊度放狗?
答:伯伯
警:係咪球場嗰度?
答:係
警:你點推佢呀?
答:咁推
警:兩隻手一隻手?
答:兩隻手一隻手
警:邊隻手?
答:兩隻手
警:幾大力推佢?
答:……(好細聲,唔知講緊咩)

(示範)

警:伯伯有冇跌低?
答:冇跌低
警:有冇?
答:冇
警:跟住去咗邊?
答:返屋企
警:仲有咩人喺籃球場?有伯伯有隻狗?
答:係
警:仲有咩人喺籃球場?
答:籃球場
警:你返咗美田邨,有咩人,記唔記得?
答:記得
警:屋企仲有咩人?
答:記得
警:XX,你望住我,你喺屯門一個地方,你喺果度做咩,叫做聖公會福利協會康恩園?
答:……(好細聲,唔知講緊咩)
警:你喺果度做嘢定訓覺?
答:做嘢訓覺
警:逢星期幾返屋企?
答:星期六
警:星期日?
答:返來
警:星期一點解你喺美林邨?
答:……(好細聲,唔知講緊咩)
警:記唔記得?
答:記得
警:點解你喺美林邨?
答:……(好細聲,唔知講緊咩)
警:即係你自己走咗
答:係
警:偷走?有冇話比姑娘聽?
答:冇講
警:搭咩車去美林邨?
答:……(好細聲,唔知講緊咩)
警:搭咩車去美林邨?
答:美林邨
警:答咩車?
答:80號
警:喺屯門點搭車出來?
答:XXX室
警:唔係XXX室,係問你屯門點出來?搭咩車去美林邨,記唔記得?
答:記得
警:用散紙定八達通?
答:八達通
警:用八達通定現金?
答:現金
警:頭先你話見到伯伯放狗,你推佢,你走嘅時候有冇見到伯伯跌低?
答:冇
警:你見唔見到?你有冇見到?
答:有見到
警:佢有冇跌低?
答:冇跌低
警:佢冇罵你?
答:冇
警:你有冇罵佢?
答:冇
警:你有冇同伯伯講嘢?
答:冇
警:你記唔記得?
答:記得
警:有冇講過嘢
答:唔記得
警:XX,你望住我,你果日喺屯門,搭唔記得咩車,去到美林,見到伯伯放狗,就兩隻手推佢,伯伯有冇跌低,你就唔清楚了,係咪?跟住返美田邨定返屯門?
答:返屯門
警:有冇返XXX,返屋企?
答:有
警:有冇去美誠苑?
答:冇
警:美松苑
答:冇
警:其他地方?
答:冇

24:50

警:你係咪自己一個?
答:係
警:你去咗籃球場?
答:係
警:去咗籃球場做咩?
答:係
警:XX,你望住我,你去籃球場做咩?
答:去打波
警:你點解要推伯伯?
答:推伯伯
警:有冇推伯伯?
答:冇…有…
警:XX,你望住我,有冇推伯伯落地,有冇推伯伯?
答:推伯伯
警:點解會做果個動作?
答:…
警:我再問你,你有冇去過美林邨籃球場?
答:冇
警:你又話比我聽著住件衫嘅?
答:有
警:你記清楚
答:有
警:即係而家記得返
答:係
警:你點樣推伯伯?
答:冇推伯伯
警:頭先示範又話有推?
答:冇推伯伯
警:我再幫你回憶下好冇?
答:好
(示範)
警:你望住我,你話比我聽,你有咩病?
答:……(好細聲,唔知講緊咩)
警:即是自閉症?
答:係
警:幾時開始有?10歲,20歲,一出世有?記唔記得?
答:記得
警:一出世有?
答:係
警:係院舍有冇睇醫生?
答:睇醫生
警:有冇睇醫生?
答:冇
警:你明唔明白我用廣東話講嘢?
答:明
警:平時有冇睇新聞?
答:有
警:伯伯死咗你係邊度知?睇電視定睇頭條日報?
答:睇電視
警:你有冇同屋企人講你推跌伯伯?
答:冇
警:你知唔知你可能做左啲唔啱嘅嘢?
答:唔啱嘅嘢

Icons made by Freepik from www.flaticon.com is licensed by CC BY 3.0

Share This:
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Comments