曾焯文《粵辭正典》之一出解放軍就大鑊?

Share this:



曾焯文《粵辭正典》之一出解放軍就大鑊?

daai6wok6大鑊。古代酷刑,引申為大事不好。

[例]香港民族黨(二零一六)《獨立!》〈冇軍隊點獨立?中國一出解放軍就大鑊啦!〉一個地區獨立不一定需要軍隊,香港地處亞洲優勢位置,有天然深水港、鄰近東亞國家,極具經濟戰略優勢,而且香港有自己貨幣、聯繫匯率,更有健全的金融制度,香港的國際金融中心地位與其他知名的金融城市齊名。最近的巴拿馬文件更反映了中國黨官透過香港轉移資產及避稅,事實就是,香港才是當代中國的命脈,中國靠香港多於香港靠中國,香港人要獨立是絕對有籌碼的。

[例]張達明(二零零八)舞臺劇《擺明棟篤笑》主題曲(張達明主唱)個個女仔都話唔想結婚/ 但佢見親俊男就發煞仔瘟/ 成日話兩個人的錢銀要分開使/ 鑊鑊SHOPPING埋單都要揾返條仔。/ 隨隨便便就埋牙肉搏/ 攪到的關係重亂過七國/ 一通天就喊苦喊屈四圍撲/ 當初唔潔身自愛而今聽大鑊




[例]許冠傑/薛志雄(一九七九)詞〈天才與白痴〉(許冠傑作曲原唱)呢個世界上,有堅嘢、有流嘢、有精嘢、喎嘢、苴嘢,重有大鑊嘢,有衰嘢、有好嘢、有郇嘢、貴嘢、賤嘢,最悼忌就舐嘢,醒胃嘢,林審嘢、正斗嘢、靚嘢、杰嘢,最爽就撈粗嘢,確係認真唔少嘢。乜嘢係天才,乜嘢係白痴,扮懵定蠢才,無咁易會知,天才與白痴,你黐定我黐,天才與白痴,冇咁易會知,天才與白痴,天才與白痴,天才與白痴。

《康熙字典•金部•十四》:《廣韻》胡郭切《集韻》《韻會》黃郭切,音穫。《說文》鐫也。从金蒦聲。《廣韻》鼎鑊。《增韻》釜屬。《周禮•天官•亨人》掌共鼎。《註》鑊,所以煑肉及魚腊之器。《前漢•𠛬法志》有鑿顚抽脅鑊亨之𠛬。《師古註》鼎大而無足曰,以𩱍人也。又《韻補》叶胡麥切,音獲。《柳宗元•懲咎賦》進與退吾無歸兮,甘脂潤兮鼎。幸皇鑒之明宥兮,纍郡印而南適。鑊已入洋文,《Oxford English Dictionary[牛津字典]》wok,A bowl-shaped frying pan used typically in Chinese cooking。

《漢書•景十三王傳》望卿走,自投井死。昭信出之,椓杙其陰中,割其鼻脣,斷其舌。謂去曰:「前殺昭平,反來畏我,今欲靡爛望卿,使不能神。」與去共支解,置大鑊中,取桃灰毒藥并煮之,召諸姬皆臨觀,連日夜靡盡。復共殺其女弟都。《通典•峻酷》北齊文宣帝自六年之後,遂以功業自矜,酷暴昏狂,任情喜怒。為大鑊、長鋸、剉、碓之屬,並陳於庭,意有不快,則手自屠裂,或命左右臠噉,以逞其意。《太平廣記•杜子春》未頃而將軍者復來,引牛頭獄卒,奇貌鬼神,將大鑊湯而置子春前,長槍兩叉,四面週匝,傳命曰:「肯言姓名即放,不肯言,即當心取叉置之中。」

一九五五年六月一號,香港南國舞廳舞小姐紅眉(李幗英),被花名㗎仔的流氓一晚強姦七次,紅眉報警,單案告上法庭,紅眉作供時以開鑊諱言交媾,英藉法官不諳粵語,問開鑊何所指。傳譯即答以「Open the pan」。案情傳開,「開」之語不脛而走。有人為此而作之「何淡如式」諧聯流傳更久。聯曰:西山白雪三城戌,南國紅眉七鑊開。上聯借用杜甫詩句,下聯寫實。同年紅眉與石燕子、梁素琴等主演粵語長片《萬惡以淫為首》(編劇: 李壽祺;導演: 李壽祺)。香港人後引申鑊為次, 例如見一,打一

二零一六年六月十一日【on.cc東網專訊】〈黃國英Talk show:投資者要知咩係「鑊鑊新鮮鑊鑊金」〉佢舉例話舊年大時代,佢個基金攞咗七千萬元額度炒A股,結果贏三成離場,主要係聽到阿爺話要打擊場外配資,個消息前所未有咁「新鮮」,肯定好「金」,所以即沽貨走人,結果真係避過一劫!佢更笑言好在講廣東話,識「鑊鑊新鮮鑊鑊金」呢句金句,中國投資者講普通話,就唔懂呢句金句,結果唔識走,真係輸鑊「甘」!



Share this:

Comments